1 February 2023
  • 3:06 am Senate calls for implementation of NAP to curb terrorism
  • 3:04 am KP elections: ECP summons ‘important meeting’ today
  • 2:37 am MQM-P holds meeting to review by-elections preparations
  • 2:37 am MQM-P holds meeting to review by-elections preparations
  • 1:55 am Punjab police foil terror attack on Mianwali police station
Choose Language
 Edit Translation
My-Ads
Spread the News

سابق وزیراعلیٰ میر جام کمال خان نے اپوزیشن جماعتوں پر تنقید کرتے ہوئے کہا کہ بلوچستان اسمبلی میں کوئی اپوزیشن نہیں ہے، اپوزیشن جماعتوں کی خاموشی معنی خیز ہے، اگر کابینہ چاہئے تو حب کو ضلع بنانے سے متعلق نوٹیفکیشن کو ڈی نوٹیفائی کیا جاسکتا ہے۔

بلوچستان ہائی کورٹ میں لسبیلہ کو 2 اضلاع میں تقسیم کرنے سے متعلق کیس کی سماعت کے بعد میڈیا سے گفتگو کرتے ہوئے جام کمال خان کا کہنا تھا کہ وزیراعلیٰ بلوچستان سے کوئی اختلاف نہیں ہے، میر عبدالقدوس بزنجو کی جانب سے ملاقات کیلئے 2، 3 بار پیغامات ملے ہیں لیکن سیلاب اور دیگر مصروفیات کی وجہ سے ان سے اب تک ملاقات نہیں ہوسکی ہے۔

انہوں نے کہا کہ بلوچستان اسمبلی میں اس وقت کوئی اپوزیشن نہیں ہے، اپوزیشن جماعتوں کی خاموشی معنی خیز ہے، اپوزیشن جماعتوں کو اسمبلی میں اپنا کردار ادا کرنا ہوگا۔

ایک سوال میں ان کا کہنا تھا کہ حب کو ضلع بنانے سے متعلق فیصلہ یا تو عدالت کرے گی یا پھر صوبائی کابینہ اجلاس میں اس کو ایجنڈا رکھ کر حب کو ضلع بنانے سے متعلق نوٹیفکیشن کو ڈی نوٹیفائی کرسکتی ہے، سابق وزیراعلیٰ کا کہنا تھا کہ وہ حکومت پر تنقید برائے اصلاح کرتے رہیں گے۔

بلوچستان ہائی کورٹ میں لسبیلہ کو 2 اضلاع میں تقسیم کرنے سے متعلق کیس کی سماعت چیف جسٹس ہائی کورٹ جسٹس نعیم اختر افغان اور جسٹس اقبال کاسی پر مشتمل بینچ نے کی۔

سماعت کے دوران چیف جسٹس نے ریمارکس دیئے کہ کیس کا فیصلہ بلدیاتی اور عام انتخابات سے پہلے کرنا چاہتے ہیں، فریقین اپنی درخواستیں عدالت میں جمع کرادیں۔

درخواست گزاروں کا کہنا ہے کہ حب کے نام سے نئے ضلع کی تشکیل میں قوانین کی خلاف وزری کی گئی ہے، نوٹیفکیشن کالعدم قرار دیا جائے۔

آئینی درخواست سابق ڈسٹرکٹ وائس چیئرمین لسبیلہ قادر بخش جاموٹ اور لسبیلہ سے تعلق رکھنے والے وکلاء کی جانب سے دائر کی گئی ہے، کیس کی سماعت 11 اکتوبر تک ملتوی کردی گئی۔

Abdul Gh Lone

RELATED ARTICLES