پاکستانی اداکار احسن خان اور نیلم منیر نئی فلم چکر کا ٹیزر ریلیز کردیا گیا ہے۔
احسن خان اور نیلم منیر چکر میں مرکزی کردار ادا کر رہے ہیں،دیگر فنکاروں میں جاوید شیخ اور یاسر نواز کو بھی ٹیزر میں اداکاری کرتے دیکھا جاسکتا ہے۔
فلم چکر کے ٹیزر کو دیکھ کر اندازہ ہوتا ہے کہ فلم کی کہانی جرم و سزا اور قتل کے کیس پر مبنی ہے جس میں ظاہری طور پر مرکزی اداکارہ کا اغواء، موٹر سائیکل سوار مسلح ملزمان کا حملہ، لاہور میں موجود مرکزی اداکاروں کی پریشانی سمیت دیگر مناظر دکھائے گئے ہیں۔
اس سے قبل اداکارہ ندا یاسر کا اپنی سالگرہ کے موقعے پر ریلیز کی گئی فلم چکر کا ٹیزر سوشل میڈیا پر ریلیز کرتے ہوئے گزشتہ روز کہنا تھا کہ پاکستان میں جرم و سزا پر مبنی فلمیں نہیں بنائی گئیں، جیسا کہ چکر میں کیا گیا ہے۔
ندا یاسر کے مطابق بھی فلم چکر کی کہانی قتل کے ایک کیس کے گرد گھومتی ہے جبکہ ٹیزر میں تمام فنکار متجسس انداز میں اپنا اپنا کردار نبھاتے نظر آتے ہیں جس سے یاسر نواز، احسن خان اور نیلم منیر سمیت تمام فنکاروں کو مثبت توقعات ہیں۔
