آئل اینڈ گیس ریگولیٹری اتھارٹی (اوگرا) نے ایل پی جی 13.31 روپے فی کلو مہنگی کردی، نئی قیمت کا نوٹیفکیشن بھی جاری کردیا گیا۔

اوگرا کی جانب سے جاری نوٹیفکیشن کے مطابق ایل پی جی کی فی کلو قیمت میں 13.31 روپے اضافے سے 247 روپے 12 پیسے فی کلو ہوگئی، نئی قیمتوں کا اطلاق یکم اپریل سے ہوگا۔

نوٹیفکیشن کے مطابق یکم اپریل سے ایل پی جی کا گھریلو سیلنڈر157روپے 44 پیسے مہنگا کردیا گیا ہے جس کے بعد 11.8 کلو کے گھریلو سیلنڈر کی قیمت 2 ہزار 916 روپے 11 پیسے ہوگئی۔