سکھ یاتریوں کی لاہور آمد کے سلسلے میں ضلعی انتظامیہ نے انتظامات کو حتمی شکل دے دی ہے۔
ڈپٹی کمشنرلاہور عمر شیر چٹھہ کی زیر صدارت ایک اہم اجلاس منعقد ہوا جس میں بتایا گیا کہ سکھ یاتری 17 اپریل کو بیساکھی میلہ کے سلسلے میں گردوارہ ڈیرہ صاحب لاہور آئیں گے۔اس مرتبہ بھارت سمیت دنیا بھر سے 1900 سکھ یاتری بھارت آرہے ہیں۔
ڈی سی لاہورعمر شیر چٹھہ نے سکھ یاتریوں کی لاہور آمد کے سلسلے میں تمام متعلقہ محکموں کو اہم ٹاسک سونپ دیئے اور بتایا کہ اسسٹنٹ کمشنر شالیمار ذیشان ندیم سکھ یاتریوں کو خوش آمدید کہیں گے۔
اسسٹنٹ کمشنر سٹی عدنان رشید کو محکمہ اوقاف کے ساتھ مل کرتمام انتظامات مکمل کرنے کی ہدایت کی گئی ہے۔سول ڈیفنس کا بم اسکواڈ سوئپنگ کےعمل کوجاری رکھے گا۔
اس کےعلاوہ یہ بھی ہدایت کی گئی کہ لیسکو بجلی کی مسلسل فراہمی کے لیے جنریٹر کی فراہمی کو یقینی بنائے گا جبکہ ایل ڈبلیو ایم سی صفائی ستھرائی کے انتظامات کودیکھے گا۔
