کراچی سمیت صوبے بھر میں تیز بارشوں کے باعث سندھ حکومت نے کل عام تعطیل کااعلان کردیا۔

سندھ حکومت نے شدید طوفانی بارشوں کے باعث کل بروز پیر25 جولائی کو عام تعطیل کا اعلان کردیا ہے۔

حکام کے مطابق بلدیاتی اداروں سمیت ضروری عملے بدستورکام جاری رکھیں گے اور اس سلسلے میں محکمہ صحت، بلدیات پی ڈی ایم اے ریلیف آپریشن کاعملہ ڈیوٹی سرانجام دیتا رہے گا۔

وزیراعلی سندھ نے چیف سیکریٹری کو نوٹیفکیشن جاری کرنےکی ہدایت کردی ہے جبکہ حکومت کی شہریوں سے نقل و حرکت کم رکھنے کی اپیل کی ہے۔

خیال رہے کہ بارش برسانے والا مون سون سسٹم سندھ پر اثر انداز ہوگیا، جو 28 جولائی تک برقرار رہ سکتا ہے۔ سندھ کے بیشتر شہروں میں رات گئے سے موسلادھار بارش کا سلسلہ وقفے وقفے سے جاری ہے۔ محکمہ موسمیات کا کہنا ہے کہ کراچی میں 200 ملی میٹر تک بارش ہوسکتی ہے۔

دوسری جانب امعہ کراچی میں کل ہونے والے تمام پرچے ملتوی کردیئے گئے۔ جامعہ کراچی کے مختلف ڈپارٹمنٹس میں کل سیمسٹرکے امتحانات ہونے تھے۔

ترجمان جامعہ کراچی کے مطابق ملتوی ہونے والے پرچوں کی نئی تاریخوں کا اعلان بعد میں کیا جائے گا۔