اسلام آباد ہائیکورٹ نے پاکستان تحریک انصاف کے سینئر رہنما اور سابق سپیکر قومی اسمبلی اسد قیصر کے خلاف مقدمے سے دہشتگردی کی دفعات حذف کرنے کی اپیل پر فیصلہ محفوظ کر لیا۔

سابق سپیکر قومی اسمبلی کی درخواست پر اسلام آباد ہائی کورٹ کے چیف جسٹس عامر فاروق اور میاں گل حسن اورنگزیب نے سماعت کی۔ اسد قیصر کے وکیل شیر افضل مروت عدالت میں پیش ہوئے۔

چیف جسٹس نے استفسار کیا کہ کیا یہ درخواست سیکشن تئیس کے تحت دائر ہوئی تھی۔ آپ کو یہ ریلیف دیتے ہیں کہ ہراساں کرنے سے روک دیا جائے۔

وکیل نے بتایا کہ پولیس نے ایف آئی آر میں دو سو بندے لکھے اور گرفتار چار سو سے زائد کو کیا گیا۔ لوگوں کو گرفتار کرکے انسانی حقوق کی خلاف ورزی کی گئی ہے۔

عدالت نے دلائل سننے کے بعد فیصلہ محفوظ کرلیا