سعودی عرب کے اعلان کے بعد عالمی منڈی میں تیل کی قیمتوں میں اضافہ
Abdul Gh Lone 5 June 2023 0 COMMENTSتیل پیدا کرنے والے ممالک کی جانب سے پیداوار میں کمی کے اعلان کے بعد عالمی منڈی میں تیل کی قیمتوں میں اضافہ ہوگیا۔
عالمی منڈی میں تیل کی قیمتوں میں اضافے کے بعد ایشیا میں برینٹ خام تیل کی قیمت میں دو اعشاریہ چار فیصد اضافہ ہوا ، اور قیمت 77 ڈالر فی بیرل پر بند ہوئی۔
یہ بھی پڑھیں:۔سعودی عرب کا اوپیک معاہدے کے تحت تیل کی پیداوار میں نمایاں کمی کا اعلان
اوپیک پلس کا کہنا ہے کہ دوہزارچوبیس سے پیداوار میں مزید ایک اعشاریہ چار ملین بی پی ڈی کی کمی آئے گی ۔۔ اوپیک پلس دنیا کے خام تیل کا تقریباً چالیس فیصد پیدا کرتا ہے۔۔ اس کے فیصلوں کا تیل کی قیمتوں پر بڑا اثر پڑ سکتا ہے
سعودی عرب نے تیل کی قیمتوں میں اضافے کیلئے اوپیک معاہدے کے تحت جولائی میں تیل کی پیداوار کم کرنے کا اعلان کیا ہے۔ سعودی عرب نے اوپیک پلس معاہدے کے حصے کے طور پر اپنی پیداوار میں نمایاں کٹوتی کا اعلان کیا ۔
