وزیراعلیٰ بلوچستان میرعبدالقدوس بزنجونے قومی اقتصادی کونسل کے اجلاس میں احتجاجا شرکت نہ کرنے کا اعلان کردیا ۔۔

اپنے ایک بیان میں وزیراعلیٰ بلوچستان نے کہا کہ این ای سی کے اجلاس میں مجھ سمیت بلوچستان سے کوئی بھی اجلاس میں شرکت نہیں کرے گا ۔ شرکت نہ کرنے کا حتمی فیصلہ وفاقی حکومت کے رویے کو دیکھتے ہوئے کیا ۔

انہوں نے کہا کہ وفاقی حکومت نے جوبھی یقین دہانیاں اور وعدے اب تک کیے ان پر عملدرآمد نہیں کیا گیا اور نہ ہی وزیراعظم کی جانب سے سیلاب متاثرین کی بحالی کے لیۓ اعلان کردہ 10 ارب روپے بھی فراہم کیے گئے ،

وزیراعلیٰ نے کہا کہ یہ رویہ انتہائی مایوس کن صورتحال کی نشاندہی کرتا ہے، وفاقی حکومت کو بارہا یاد دہانیاں بھی کرائی گئیں اور وزیراعظم کو مراسلہ بھی ارسال کیا گیا۔

عبدالقدوس بزنجو نے کہا کہ وزیر اعظم کے اعلان کے تناظر میں صوبائی حکومت نے اپنے محدود وسائل برؤے کار لاتے ہوئے متاثرین کی حتی المقدورامداد و بحالی کی گئی امید تھی کہ وفاقی حکومت کی جانب سے دس اربے کی وصولی کے بعد ان سرگرمیوں کو مزید فروغ دیا جائیگا۔ وسائل کی کمی کے باعث سیلاب متاثرین تاحال کھلے آسمان تلے پڑے حکومتی امداد کے منتظر ہیں۔

عبدالقدوس بزنجو نے کہا کہ فاقی حکومت سے یہ بھی کہا ہے کہ بلوچستان کے اراکین سینٹ اور قومی اسمبلی کے تجویز کردہ منصوبوں کو وفاقی پی ایس ڈی پی میں شامل کیا جائے، بلوچستان کے ترقیاتی فنڈز محدود ہونے کی وجہ سے اراکین سینٹ اور قومی اسمبلی کو ترقیاتی فنڈز نہیں دے سکتے، اراکین صوبائی اسمبلی سینٹ اور قومی اسمبلی کے اراکین کے تجویز کردہ منصوبوں کو صوبائی ترقیاتی پروگرام میں شامل کرنے کے حق میں نہیں ہیں ۔